اكرهك

أكرهــك في حضرة العــذال للتمويه
و إلا أنت أعز و أغلى شخص في كوني

معاك قلبي . . تفضّل أسأله . . من فيه ؟
و إلا تحسس غــلاك بمقلة عيــوني

حبك بقلبي و عيني كيف أنــا بخفيه ؟
أصد . . و اكســر عيوني لا يعرفوني

إذا خفيته عن الحســاد لاجـل احميه
و أجنبه كبريـــاك و ثورة شجـوني

الحــب منّي و فيني آخـذه و اعـطيه
من يستحقه . . و لا ارضى دونه الدوني

يختال في مهجتي في حاضره و ماضيه
و مستقبله يا حيــاتي فيك يحــدوني

أنــا حبيبه صحيح . . و ليتني قاضيه
باخذ حقوقي . . و بعطيها لمــضنوني

تستاهــــله لو ملكته بالكبـر و التيه
تستاهــله و انت فيه مْهزّع رْكـوني


__________________